وشّ بيضحك – الجزء الأول
![]() |
#وشّ_بيضحك …. #smile_face |
#وشّ_بيضحك …. #smile_face
بدايه كل يوم طبيعيه روتيني… مفهاش جديد … تكسر ملل بخروجه بفسحه … بأننا نتعرف على ناس جديده… وده حال “بسمه” اللى الاكونت بتاعها على الفيس بوك مليان طلبات صداقه لسه متقبلتش … ولما حد يكلمها … تقوله (سورى مبكلمش ولاد) … لكن فضوليه اللى يكلمها تفصص الاكونت بتاعه …وتقلب فالصور . وتعرف عنه كل حاجه وبردو متردش عليه … بس القاعده اتكسرت …. لما جالها طلب صداقه من شخص مسمى نفسه … (رجل من عالم موازى)….
وكالعاده مقبلتش … وجرها الفضول انها تفتح البروفيل وتقلب فالصور …. عشان تلاقى … ان الشخص ده فنفس المدينه ونفس الكليه … نفس الهويات … وبيحب قصص و أفلام الرعب … والغريب انه منزل صوره لشباك اوضتها من بره على صفحته … قامت وقفت فمكانها من الخضه … ده حتى لو حد من صحباتها بيهزروا هيبقى هزار سخيف …. فى كلام مكتوب عالصوره ….
(ل.ق.ب) …
اكيد المره دى هتقبل طلب الصداقه !!!
وفعلا قبلت … ومن غير سلام … قالتله انت مين وايه الصوره اللى عندك دى !!!
…
بدأ يظهرلها فالشات typing…..
وقلبها بينبض بسرعه …
والرد كان مجرد وش بيضخك smile رمز تعبيري
قالتله لو سمحت جاااوب
رد ب (ل.ق.ب) ….
قالتله دى يعنى ايه …. ؟؟؟
رد بردو بوش بيضحك …. وقفل …
بدأت بسمه تكلم صاحبتهاوتسالهم لو يعرفوا حاجه عن اللى بيحصل وتطلب لو خد بيهزر يبطل … لكن كل واحده كانت بتحلف لا والله ماعرف حاجه عن الموضوع ده
…..
تانى يوم بسمه لقت صوره جديده لشباك اوضتها ومكتوب عليه رقمين ٢_٣
دخلت بسمع تسأله تانى …. انت عاوز ايه بالظبط ومعناه ايه اللى بتكتبه ده ….
بردو رد بوش بيضحك smile رمز تعبيري ….
وبلليل قبل ماتنام … لقت رساله من الاكونت بتاعه (رجل من عالم موازى)… ولما فتحتها …
كانت مكتوب …((هتنامى من غير ما تجهزى لبسك بتاع بكره ))
ردت وانت مالك… انا هبلغ عنك …
رد قال :هتجبيلى البوليس …
قالت :وهوديك فستين داهيه …
رد عليها : طب مانجيب المطافى احسن…
وبعدها بردو وش بيضحك smile رمز تعبيري وقفل …
اتعصبت جداااا وقفلت موبايلها ونامت …
وصحت من النوم على سخونيه النار ماسكه فأوضتهااا !!!!!
كل حاجه بتولع من حوليها وصوت المطافى وصلت … وباباها عالباب بيحاول يكسره … وفثوانى كان باباها كسر الباب ودخل اخدها ..
والمطافى باسرع ما يمكن سيطرت عالحريق قبل مالبيت كله يولع ….. ولما ابو سلمى راح يشكر رجال المطافى قالهم اشكر الرقم ده هو اللى بلغنا بمكان الحريق ….
“بسمه” خدت بالها ملامح وش باباها بتتغير وجى عليها يزعق ليه عملتى كده !!!!
وبسمه مش فاهمه … قالها رقمك هو اللى اتصل بالمطافى …وبيقولوا قبل مالحريق يبتدى بربع ساعه …
-والله يا بابا انا كنت نايمه حتى شوف موبايلى …
ودخلت تبص على موبيلها مع باباها .. فالاوضه اللى كانت النار كلته بس منور وبيطفى وفى صوره مش واضحه عالشاشه … قربت مسكته ومسحته … كانت ******
وش بيضحك smile رمز تعبيري ….
افتكرت على طول الشات اللى حصل بينها وبين صاحب الاكونت … بس مش فاهمه ازاى عارف بيتى ومين اتصل بالمطافى وازاى يستخدم رقمى …لو هو ورا كل ده
…. عدت الليله وبسمه مقدرتش تتكلم فشىء مش منطقى …
تانى يوم فضولها مخلهاش تصبر تجيب تليفون جديد …. وفتحت من laptop زميلتها … فالكليه … ولقت الاكونت سايبلها رساله فتحتها مكتوب فيها … مش قولتلك نكلم المطافى …. فضلت تخبطوتعيط ومش فاهمه الاكونت بقى اون لاين … وبعتلها صوره .. ويدوب فتحت الصوره … عشان تلاقى صورتها فصباح نفس اليوم وهى خارجه من بيتها ومكتوب بلون احمر ٢-٣ ….(ل.ق.ب)….
“بسمه” مستحملتش من الخوف وقفلت كل حاجه وهربت من مكانها مش عارفه تعمل ايه وماشيه تبص يمينها وشمالها. وخلاص مفيش شك فى حد بيراقبها …بس مش فاهمه هو عاوز منها ايه .وايه سبب كل ده … أول ما روحت بدأت تدور فكل جرايد الالكترونيه عن حوادث وفاه بطرق غريبه وبعد بحث طويل … بدأت تلاقى صور لحوادث قتل واغلبيتها انتحار وفى حاجه مشتركه فكل الصور …
ايموشن (smile face) وش بيضحك..
وكانت اخر حادثه انتحار لشاب عنده ٢٨ سنه اسمه (أمجد) … فحبت تتأكد ودورت لحد ما وصلت لعنوانه … ومكنش فى حل غير كده …. انها تعمل زياره لأهله عشان تعرف ايه اللى حصل …
وفعلا سافرت مسافه طويله لحد ما وصلت لعنوان الحادثه
وفعلا وصلت لباب الشقه ولما خبطت فتحت ست. كبيره … ولما سألتها عن الحادثه … قفلت الباب فوشها … خبطت تانى وبينت فكلامها انها فمشكله وجايلها تعرف معلومات عن ابنها …
وهنا الست فتحت الباب بعد ما حست فصوتها بخوف وضعف … …
وبدأت تسألها عن “أمجد” وان كان فى اى حاجه غريبه حصلت معاه قبل الحادثه …
قالت الست الكبيره انه كان مدمن العاب اونلاين … وطول النها مش بيقوم من قدام النت …
وقبل الحادثه بأيام بدأت تصرفاته تبقى اغرب وبان خوف عليه من حاجه هو مش عارفها … لحد ما جه اليوم اللى رمى نفسه من البلكونه بدون اى مبرر …
وطلعت “بسمه” صوره الحادثه من الموقع اللى سافته وسألتها هى دى أوضته ؟؟
ردت أه هى الاوضه اللى قدامك على طول قومى شوفيها لو تحبى …
قالتلها يا ريت ….
وفعلا قامت “بسمه” وظخلت الاوضه وبدأت تبص بشكل عام … لحد ما عينها وقعت على حاجه جرت عليها … صوره شبه اللى جاتلها … ومكتوب عليها كلام بردو … طلعت بصت من البلكونه … ايوا هى صوره البلكونه من بره … وكان مكتوب بردو حروف وارقام مش مفهومه. …
٢٢-١ (ل.ق.أ)
وفدهر الصوره لقت ….!!!
الوش اللى بيضحك !!!
نفس الرموز الغريبه … ونفس الوش اللى بيضحك .. قعدت عالارض تفكر وحاولت تفهم ايه العلاقه … طلعت الخبر اللى نزل عالنت …
كان بتاريخ ٢٣-١
لحظه !!! يعنى هو انتحر ٢٢-١ ؟؟؟
٢٢-١ نفس الرموز اللى عالصوره
٢٢-١ …
(ل.ق.أ) دى يعنى ايه
ل. ليله
ق. قتل
أ. أمجد
…………….
وانا الرمز اللى جالى ٢-٣ (ل.ق.ب)
٢-٣ …… ده بكره
(ل.ق.ب) = ليله قتل بسمه ….. وفاللحظه دى وقع منهاكل اللى فأيدها … من الصدمه … نفس اللى حصل مع أمجد بيحصل معاه …وفنفس اللحظه. جالها رساله على موبايلها …. من رقم غير معروف …..
موجود فيه … حاجه واحده بس … اكيد كلكم عرفتوها …….(وش بيضحك) ( smile رمز تعبيري )
يتبع ..
تاريخ النشر : 2016-01-30